tg-me.com/sayyidabdulazizyusupov/333
Last Update:
3 кун олдин euronews нашри ушбу мақолани чоп этди. Қизиққан одам, агар инглиз тилини билса, кириб ўқиб таржима қилиб олар.
Сарлавҳасидан маълум гап нима ҳақида кетаётгани: "Ўзбекистонда ЛГБТни ўз ичига олган янги иқтисодий ёндошув зарур".
Ҳавотир олиб роса ёзаётганимнинг сабаби ҳам шу. Ҳурматли кузатувчилар, биз бундай ишларга қарши тура олишимиз керак. Динимиз бунга йўл қўймайди. Ҳозирча Қонунчиликда ҳам бу ишларга тегишли модда бор (Ўз.Респ. ЖК. 120-модда).
Куни кеча ЕХҲТ Самарқандда учрашув ўтказиб кетди. Биринчи президент Ислом Каримов даврида ҳам келишган эди. 2003 йил эди. Биз талабаликнинг охирги йилларини ўтказаётгандик. Бироқ эс-ҳушимиз жойида, ақлимизни таниган эдик. Ўша пайтда, Каримовга ЛГБТ масаласида оғиз очишганда, қулоқчинни отиб юборган. "Санлар қайси жамиятга нималарни тиқиштирмоқчи бўляпсан, керакмас берадиган пулларинг" дегандек жаҳл қилган ҳам.
Орадан 20 йил вақт ўтди ва эндиги учрашув Самарқандда бўлиб ўтди. 50 млн доллар пул мамлакатдаги ЛГБТ ҳимояси учун берилди. Антигей қонунлар олиб ташланса ажабланмайман. Буни шахсан мен қабул қилолмайман ва шу ерда омма олдида бунга қаршилигимни билдириб турибман.
Айримлар ая Ҳачча билан бўлган суҳбатлар туфайли Ғарб буни ёқтирмайди дейишади. Йўқ, ая Ҳачча суҳбатларини Ғарбдаги танишлар ҳам ўқиб кузатиб боришади. Гап бошқа жойда!
Ҳуқуқ фаоли сифатида ишни сўз, фикр эркинлигидан бошлаб, кейин бола меҳнати, мажбурий меҳнат, бола ҳуқуқлари, ногиронлиги бор шахслар ҳуқуқлари, эътиқод эркинлиги ҳуқуқлари, ижтимоий ва маданий ҳуқуқлар, сиёсий қарашлари туфайли озодликдан маҳрум қилинганлар суди мониторинги, этник озчилик ҳуқуқлари, аёллар ҳуқуқи ва шахс дахлсизлиги ҳуқуқи каби турли йўналишларда Ғарб билан ҳамкорлик қилганман. Буни керакли ташкилотлар делосига тикиб ҳам қўйгандир.
Бироқ ЛГБТ масаласида Швециядаги анжуманда бу йўналишда бизда ишлаш мумкинмас деган қарорга келганман. Ва Худо хоҳласа охиригача бу ишга қарши тураман ҳам. Бунинг учун дунёдаги танишлар ҳуқуқбонликдан четлатишсаям майли деганман.
Бугун менинг давлатим бу ишга розилик бериб турибди ва Ғарб бу масалада давлатимга йўл-йўриқ кўрсатмоқда. Давлатга қарши чиқиш нималигини тушунаман.
Шунинг учун сиз кузатиб борувчиларимдан қаттиқ илтимос қилиб қоламанки, ўзлигимизни асрайлик. Бу иллатга берилиб қолмайлик. Ахлоқсизлик бу ҳуқуқ эмас. Худо бизга тил берди, ақл берди, демак, сўз ва фикр эркинлиги учун курашса бўлади. Эътиқодимизни танитди, демак, дин эркинлиги учун курашса бўлади. Болаларни севишни буюрди, ўқишга, таълимга буюрди, демак таълим олиш ҳуқуқи, мажбурий меҳнат бўлмаслиги кераклиги учун курашиш мумкин. Бироқ Худо ҳозирда мамлакатга кириб келаётган иллатдан қайтарган.
Инсон ҳуқуқлари йўлида кўплаб амалдорлар билан тортишиб қолсам ҳам Худо бу ишимни маъқуллайдику дердим ва инсон ҳуқуқи ҳимояси йўлидан чиқмасдим. ЛГБТ ишида давлатга қарши чиқмаганман, уларни қамаса, индамаганман ҳам. Бироқ эндиликда расмийларга қарши курашишга тўғри келади шекилли? Чунки мамлакат бу ишга розилик берган кўринади. Вазият кучайиб кетмаслиги учун ҳам бу ишдан воз кечишларини қаттиқ илтимос қилиб қоламан.
Чунки Ўзбекистон халқи иложи борича бу иллатни йўқотиши керак. Олдиндан бор эди дегувчиларга, илтимос айбингизни овоза қилиб асабга тегманг. Жим юровринг, биров билмасин.
Ҳурматли кузатиб борувчи, Худо сизу бизни тўғри йўлдан адаштирмасин. Эринмай ўқиганингиз учун раҳмат!
https://www.euronews.com/2023/05/17/uzbekistan-needs-a-new-economic-approach-that-includes-the-lgbtq-community?fbclid=IwAR1j9DER68lMdy7JvUx_xljETbxEa530VI1cG38L4G7OtXmWDQekdX7LPPo
BY Sayyid Abdulaziz Yusupov
Share with your friend now:
tg-me.com/sayyidabdulazizyusupov/333